Haradinaj: Gjendja në vend që nga shpallja e pavarësisë nuk ka qenë më keqe se sa kjo tani

16:15 | 20 Korrik 2023
K.B

Kryetari i Aleancës për Ardhmërinë e Kosovës, Ramush Haradinaj, në kuadër të ciklit të diskutimeve me kategoritë e ndryshme shoqërore, në Kuvendin e Kosovës ka takuar përfaqësuesit e mediave dhe të shoqërisë civile.

Sipas tij, gjatë një diskutimi shumë transparent, u konstatua edhe njëherë që gjendja në vend që nga shpallja e pavarësisë nuk ka qenë më keqe se sa kjo tani.

“Kjo situatë e krijuar kërkon hapa të guximshëm dhe veprime konkrete, bashkërisht”, ka shkruar ai.

Tutje Haradinaj ka vazhduar shkrimin duke thënë se ata si Aleancë e çmojnë rolin e mediave.

“Ne si Aleancë e çmojmë rolin e mediave dhe të shoqërisë civile për sensibilizimin shoqëror, para një situate ku Kosova është e sanksionuar nga aleatët kryesorë të pavarësisë tonë”, ka shtuar ai.

I pari i AAK-së, ka thënë se do të vazhdojë edhe me sektorë të tjerë në mënyrë që sipas tij, të dilet nga kjo bllokadë që po kalon vendi, për ta nxjerrë Kosovën nga sanksionet dhe izolimi./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm